|
| 近期狀態;心態都有點冒升,只望傷患能夠遠離,我的實力不止於此!!!我心諗~~
昨日回學校比賽過後,與友人往打邊爐,因為貪圖9時後的平價時段,草草選擇了一套時間合適既電影攝攝~~
"賤郎300"----垃圾之中的垃圾!!!極力推介給各位喜歡浪費金錢的人!!!!
觀賞時經已盡量放鬆自己,投入戲中,在"笑位"時嘗試配合笑上數聲.....但真的,真的,真的....太爛了,比張家輝,鄭中基的硬笑話更硬;更爛,完全笑唔出.......而且片長聲稱84分鐘(經已夠短...),但實際只有大概7X分鐘,真係短處未算短!!!絕對係呃錢之作!!!
前往打邊爐,其中一友人雖抱恙在身,仍捨命陪朋友,感激!!!祝早日康復~~
預祝濟記能日益進步~預祝我們的三年大計得以順利實行~預祝冇情人的我們可以早日找到有情人,真的戀愛了~(看了"真的戀愛了",真的好看~)
朋友們,乾杯!!! | | |
| 聖芳濟甲組校隊好可能因為賽會未能如期安排賽事而要與決賽對手共享冠軍榮譽....頂你個肺咩!!!我心諗~~
冠軍都可以有兩個架咩,有冇搞錯!!!我寧可轟轟烈烈的輸掉比賽,都好過像這樣不戰而與對手分享榮譽!!!!不過事實就是如此...
算了吧~~總算為我的執教生涯提前贏得第一個冠軍,亦為我追趕游水隊顯赫戰績立下一個好開始!!!
乙,丙組隊員,奸巴爹!!!
足球總錦標~I'M COMING!!!! | | |
| 逐漸變黑又得;兩日變黑亦得~
得左!!!
自然陽光,冇得彈!!!
曬黑d!!曬黑d!!!曬黑d!!!! | | |
| 今早遇上人生之中其中一個最大的難題...
出門口關門一刻,發現自己只係帶左個麵包出黎....
媽媽同bobby都係屋企,但係佢地都聽唔到野的~跟住我就開始嘗試用我身上僅餘既物資---紙巾同麵包底下張錫紙由門縫攝入屋中,希望媽媽能夠發現到!!!
可惜...紙巾太軟,唔成功;錫紙太細,唔成功...
把心一橫!!!將貼係門口的賀年老鼠撕下...
為左更能令媽媽注意到,我冒住比人發現破壞公物既危險擅用管理處張貼係升降機旁的過膠通告,這下真可放心,媽媽定能發現我係門外,除非........................佢訓緊覺........................
享受完美味的吞拿魚包,再經過大半小時既等待,終於成功返入屋企....
結果,我今日的遲到比平日的遲到更加遲到............
咁大的難題都比我解決到,相信今年我必定會順風順水,事事如意~哈哈哈哈~~~~~ | | |
| 今早...肥姐終於不敵病魔,離開人世...
雖然佢只係從電視,電影上認識的人物;雖然佢既離去係預知既結果...但當聽到電台既悼念節目,我都不其然咁傷感起來...
既然一個不相識,跟自己冇關係既人離去都會令人傷心...
所以希望大家都要珍惜身邊;眼前既人,別愛得太遲~~
肥姐,好好活在天國,我會為你祈禱~ | | |
|
